Apple AI: ప్రపంచవ్యాప్తంగా కృత్రిమ మేధ (AI) రంగంలో పోటీ రోజురోజుకు తీవ్రంగా మారుతోంది. ప్రముఖ టెక్ సంస్థలు ఏఐ (tech companies AI)ఆధారిత ఉత్పత్తులు, సేవలు, కొత్త ఆవిష్కరణల కోసం భారీగా పెట్టుబడులు పెడుతున్న వేళ, యాపిల్ (Apple)కూడా తన నాయకత్వ నిర్మాణంలో కీలక మార్పు చేస్తూ కొత్త దిశగా అడుగులు వేస్తోంది. ఈ నేపథ్యంలో సంస్థ, ఏఐ విభాగంలో ఒక ప్రధాన నియామకాన్ని ప్రకటిస్తూ అందరి దృష్టినీ ఆకర్షించింది. యాపిల్ తాజా నిర్ణయం ప్రకారం, కంపెనీ ఏఐ వైస్ ప్రెసిడెంట్గా భారతీయ మూలాలున్న అమర్ సుబ్రమణ్య (Apple AI Vice president Amar Subramany) నియమితులయ్యారు. ఇప్పటి వరకు యాపిల్ ఏఐ కార్యకలాపాలను జాన్ జియానాండ్రియా ముందుండి నడిపిస్తుండగా, ఆయన స్థానాన్ని ఇప్పుడు అమర్ సుబ్రమణ్య భర్తీ చేయనున్నారు.
జాన్ వచ్చే ఏడాది పదవీ విరమణ చేయడానికి సిద్ధమవుతున్నందున, అప్పటి వరకు ఆయన సంస్థకు అడ్వైజర్గా సేవలు అందించనున్నట్లు యాపిల్ వెల్లడించింది. ఈ నియామకం యాపిల్కు వ్యూహాత్మకంగా అత్యంత ముఖ్యమైనదిగా అభిప్రాయపడుతున్నారు. ముఖ్యంగా ‘సిరి’లో కీలక ఏఐ అప్డేట్లు వచ్చే ఏడాదికి వాయిదా వేయబడిన సందర్భంలో, కొత్త నాయకత్వం మార్పు ఏఐ అభివృద్ధి ప్రక్రియను మరింత వేగవంతం చేసే అవకాశముందని పరిశ్రమ వర్గాలు భావిస్తున్నాయి. యాపిల్ ఇప్పటివరకు జాగ్రత్తగా అడుగులు వేస్తూ వస్తున్న ఏఐ రంగంలో, ఈ కొత్త నియామకం సంస్థ దళాలను బలోపేతం చేయనుంది. అమర్ సుబ్రమణ్య విద్యా మరియు వృత్తి ప్రయాణం కూడా విశేషంగా నిలిచింది. భారత్లోని బెంగళూరు యూనివర్సిటీలో ఇంజినీరింగ్ పూర్తిచేసిన ఆయన, తరువాత అమెరికాలోని వాషింగ్టన్ యూనివర్సిటీ నుంచి కంప్యూటర్ సైన్స్లో పీహెచ్డీ చేశారు.
విద్యను పూర్తిచేసిన అనంతరం మైక్రోసాఫ్ట్ వంటి టెక్ దిగ్గజంలో సేవలందించగా, తరువాత గూగుల్లో వివిధ కీలక పాత్రలు పోషించారు. ముఖ్యంగా గూగుల్ డీప్మైండ్ యూనిట్లో ఆయన చేసిన పనులు ఆయన ప్రతిభను ప్రపంచానికి చేరవేశాయి. ఏఐ రీసెర్చ్లో ఉన్న క్లిష్టమైన సవాళ్లను ఎదుర్కొంటూ పలు ప్రాముఖ్యమైన అభివృద్ధులకు ఆయన చేయూతనిచ్చినట్లు సహచరులు పేర్కొంటున్నారు. అమర్ సుబ్రమణ్య యాపిల్ ఏఐ విభాగానికి నాయకత్వం వహించడం ద్వారా సంస్థ ఏఐ రంగంలో తీసుకోబోయే కొత్త ప్రయాణానికి బలమైన పునాది ఏర్పడనుంది. ప్రపంచంలో ఏఐ పోటీ ఉధృతమవుతున్న సమయంలో, యాపిల్ ఈ నియామకంతో తన స్థిరబలం పెంపుదలకు సంకేతం ఇచ్చినట్లుగా విశ్లేషకులు భావిస్తున్నారు.