స్పెషల్ సాంగ్‌తో గుమ్మడికాయ కొట్టేశారు!

మెగాస్టార్ (Mega star) చిరంజీవి (Chiranjeevi) హీరోగా వశిష్ట దర్శకత్వం(Director Vasista)లో తెరకెక్కుతున్న సోషియో ఫాంటసీ చిత్రం(Socio Fanctacy Film) ‘విశ్వంభర’ షూటింగ్ పూర్తి చేసుకుంది. యూవీ క్రియేషన్స్ బ్యానర్‌పై విక్రమ్, వంశీ, ప్రమోద్ సంయుక్తంగా నిర్మిస్తున్న ఈ భారీ చిత్రంలో త్రిష కృష్ణన్ కథానాయికగా నటిస్తుండగా, ఆషికా రంగనాథ్, కునాల్ కపూర్ కీలక పాత్రలు పోషిస్తున్నారు. మౌని రాయ్ ఓ స్పెషల్ సాంగ్‌లో మెరవనుంది. తాజాగా చిరంజీవి– మౌని రాయ్‌పై చిత్రీకరించిన ప్రత్యేక గీతంతో సినిమా షూటింగ్ పూర్తయినట్టు యూనిట్ ప్రకటించింది. ఈ పాటను ప్రముఖ కొరియోగ్రాఫర్ గణేశ్ ఆచార్య డిజైన్ చేయగా, 100 మంది డ్యాన్సర్లతో భారీ స్థాయిలో చిత్రీకరించారు. పాటకు భీమ్స్ సిసిరోలియో సంగీతం అందించగా, శ్యామ్ కాసర్ల లిరిక్స్ రాశారు. ఇక ఈ చిత్రానికి బ్యాక్‌గ్రౌండ్ స్కోర్‌ను ఎంఎం కీరవాణి అందిస్తున్నారు. డీవోపీ చోటా కే నాయుడు, ప్రొడక్షన్ డిజైనర్ ఏఎస్ ప్రకాశ్ కీలక బాధ్యతలు నిర్వహిస్తున్నారు. షూటింగ్ పూర్తయిన నేపథ్యంలో, త్వరలో రిలీజ్ డేట్ ప్రకటిస్తూ, ప్రమోషన్ కార్యక్రమాలను వేగవంతం చేయనుంది చిత్రబృందం.