Perni Nani: మచిలీపట్నంలో ఉద్రిక్తతలు చోటుచేసుకున్నాయి. వైసీపీ ప్రముఖ నేత, మాజీ మంత్రి పేర్ని నాని(Perni Nani)తో పాటు మరో 29 మంది వైసీపీ కార్యకర్తలపై పోలీసులు కేసు నమోదు(Case Registration) చేశారు. సంఘటన చిలకలపూడి పోలీస్ స్టేషన్ పరిధిలో చోటుచేసుకుంది. ఆర్.పేట సీఐ ఏసుబాబుపై దౌర్జన్యం చేశారన్న ఆరోపణలపై ఈ కేసు నమోదైంది. ఇటీవల మచిలీపట్నం మెడికల్‌ కళాశాల(Medical College) వద్ద వైసీపీ నేతలు నిర్వహించిన నిరసన కార్యక్రమానికి సంబంధించి పలువురిపై ఇప్పటికే పోలీసులు 41ఏ నోటీసులు జారీ చేశారు. కళాశాలలో పరీక్షలు జరుగుతుండగా, అప్రూమ్ లేకుండానే అక్కడ నిరసన చేపట్టడాన్ని పోలీసులు తప్పుపట్టారు. అనుమతి లేకపోయినప్పటికీ నేతలు నిరసనను కొనసాగించడంతో లాఠీఛార్జీ కూడా జరిగింది. ఈ ఘటనలో దాదాపు 400 మందిపై కేసులు నమోదయ్యాయి.
ఈ నేపథ్యంలో వైసీపీ మున్సిపల్‌ అధ్యక్షుడు మేకల సుబ్బన్నపై పోలీసులు విచారణ చేపట్టారు. శుక్రవారం ఆయనను విచారణ కోసం మచిలీపట్నం టౌన్‌ పోలీస్ స్టేషన్‌కు పిలిపించారు. ఈ విషయం తెలుసుకున్న పేర్ని నాని పెద్ద సంఖ్యలో వైసీపీ కార్యకర్తలతో అక్కడకు చేరుకున్నారు. పోలీస్ స్టేషన్‌లోనే సీఐ గదిలోకి నేరుగా వెళ్లి ఆయనతో వాగ్వాదానికి దిగారు. సీఐ ఏసుబాసును సూటిగా ప్రశ్నిస్తూ, భయభ్రాంతులకు గురిచేసేలా ప్రవర్తించారని పోలీసుల ఆరోపణ.పేర్ని నాని “మావాళ్లనే తీసుకొస్తావా?” అంటూ సీఐపై వేడెక్కిన మాటలు మాట్లాడారని, ఆయనకు వేలు చూపిస్తూ బెదిరింపులకు పాల్పడ్డారని ఎఫ్‌ఐఆర్‌లో పేర్కొన్నారు. ఇలాంటి ప్రవర్తనతో పోలీసు విధుల్లో తీవ్ర ఆటంకం కలిగిందని అధికారులు చెప్పారు. ఈ ఘటనను జిల్లా ఎస్పీ తీవ్రంగా పరిగణించారు. సీఐపై దౌర్జన్యానికి పాల్పడ్డారన్న ఆరోపణలపై చిలకలపూడి పోలీస్ స్టేషన్‌లో పేర్ని నానితో పాటు మరో 29 మందిపై కేసు నమోదు చేశారు.
అంతేకాక, పోలీసులు విధిస్తున్న నోటీసులను తక్కువచేసేలా సమాజిక మాధ్యమాల్లో పోస్టులు పెట్టిన మేకల సుబ్బన్నపై కూడా చర్యలు తీసుకున్నారు. విచారణకు హాజరు కావద్దంటూ ఆయన పెట్టిన పోస్టులు పోలీసులకు అడ్డంకిగా మారాయని అధికారులు అభిప్రాయపడ్డారు. ఈ ఘటన నేపథ్యంలో మచిలీపట్నంలో ఉద్రిక్త పరిస్థితులు నెలకొన్నాయి. పోలీసులు ఎలాంటి అవాంఛనీయ ఘటనలు జరగకుండా నిరీక్షణలో ఉన్నారు. వైసీపీ నేతల ప్రవర్తనపై ప్రజల్లోనూ చర్చ జరుగుతోంది. మరింత ఉద్రిక్తతకు దారితీయకుండా పోలీసు యంత్రాంగం నిఘాను కట్టుదిట్టం చేసింది.