కమల దళపతిగా రామచందర్​రావు పేరు

భారత జనతా పార్టీ (బీజేపీ) (Bharatiya Janatha Party) తెలంగాణ రాష్ట్ర అధ్యక్షుడు (Party State President)ఎవరు..? అన్న సస్పెన్స్​కు అధిష్ఠానం తెరదించింది. పార్టీ దళపతిగా మాజీ ఎమ్మెల్సీ రామచందర్​రావు (Ex MLC Ramachander Rao) పేరును ఖరారు చేసింది. ఈ మేరకు బీజేపీ రాష్ట్ర కార్యాలయంలో ఆ పదవికి నామినేషన్​ వేయాలని ఆదేశించింది.

రామచందర్​రావు మధ్యాహ్నం 2 గంటలకు రామచందర్​రావు నామినేషన్​ దాఖలు (Nomination Will be Submitted)చేస్తారు. ఇక ఆయన గెలుపు లాంఛనమనే చెప్పాలి. రామచందర్​రావు చదువుకునే రోజుల నుంచే నాటి భారతీయ జన సంఘ్​ అనుబంధ సంఘమైన అఖిల భారత విద్యార్థి పరిషత్​ (ఏబీవీపీ) (Akhila Bharata Vidyarthi Parisad)లో విద్యార్థి నేతగా పనిచేశారు.

ఉస్మానియా యూనివర్సిటీ కార్యదర్శిగా, భారతీయ జనతా యువ మోర్చా రాష్ట్ర కార్యదర్శిగా బాధ్యతలు నిర్వహించారు. న్యాయవాదిగా పార్టీకి లీగల్​ సెల్​ కన్వీనర్​గా వ్యవహరించారు. తెలంగాణ వచ్చిన తర్వాత జరిగిన అసెంబ్లీ ఎన్నికల్లో మల్కాజిగిరి స్థానం నుంచి పోటీ చేసి ఓటమి పాలయ్యారు. ఆ తర్వాత జరిగిన శాసన మండలి ఎన్నికల్లో గెలిచి శాసనమండలి సభ్యుడయ్యారు.

2017లో పార్టీ హైదరాబాద్​ జిల్లా అధ్యక్షుడిగా సేవలందించారు. 2018 అసెంబ్లీ ఎన్నికల్లో మాల్కాజిగిరి స్థానం నుంచి పోటీ చేసి మరోసారి ఓటమి పాలయ్యారు. 2021లో జరిగిన మండలి ఎన్నికల్లో మళ్లీ ఓటమి చెందారు.