హైదరాబాద్‌లో ఇండియన్ వెడ్డింగ్ ఫొటోగ్రఫీ ఫెస్టివల్  

• పోస్టర్‌ను ఆవిష్కరించిన  సినీ నటుడు బాబూమోహన్
• భారత వెడ్డింగ్ ఫొటోగ్రఫీకి అంకితమైన తొలి జాతీయ స్థాయి వేదిక

హైదరాబాద్: భారతీయ వెడ్డింగ్ ఫొటోగ్రఫీ రంగాన్ని జాతీయ స్థాయిలో మరింత బలోపేతం చేసే లక్ష్యంతో ఇండియన్ వెడ్డింగ్ ఫొటోగ్రఫీ ఫెస్టివల్ & ఫోటోఫినా ఎక్స్‌పో 2026 హైదరాబాద్లో  మూడు రోజుల పాటు ఈనెల 7,8,9 తేదీల్లో ఎల్‌బీ నగర్లోని KBR కన్వెన్షన్ సెంటర్లో నిర్వహించనున్నారు.ఈ సందర్భంగా మంగళవారం నిర్వహించిన కార్యక్రమంలో ప్రముఖ నటుడు బాబు మోహన్ ఈ ఈవెంట్ పోస్టర్‌ను  ఆవిష్కరించారు. ఈ ఫెస్టివల్‌ను ఫోటో పరివార్ ఇండియా నెట్‌వర్క్ (PPIN) సమర్పిస్తుండగా, ఎడిట్‌పాయింట్ ఇండియా మరియు ఫోటోటెక్ ఇండియా సంయుక్తంగా నిర్వహిస్తున్నాయి. భారతీయ వెడ్డింగ్ ఫోటోగ్రఫీ రంగానికి ఒక ఐక్యమైన జాతీయ వేదికను అందించాలనే ఉద్దేశంతో ఈ కార్యక్రమాన్ని రూపొందించారు.

సృజనాత్మకత , వ్యాపారం ఒకే వేదిక

వెడ్డింగ్ ఫోటోగ్రాఫర్లు,సినీమాటోగ్రాఫర్లు,వీడియో ఎడిటర్లు,ఆల్బమ్ డిజైనర్లు,శిక్షకులు,బ్రాండ్లు,టెక్నాలజీ ప్రొవైడర్లు ఇలా అందరినీ ఒకే వేదికపైకి తీసుకువచ్చే లక్ష్యంతో ఈ ఫెస్టివల్‌ను రూపొందించారు.ఈ కార్యక్రమాన్ని ఇప్పలపల్లి రమేష్, అభిమన్యు రెడ్డి, భూపాల్ కుమార్, మధు, ఓం ప్రకాష్, కాశీ రత్నం ల నాయకత్వంలో, పరిశ్రమలో అనుభవజ్ఞులైన బృందం నిర్వహిస్తోంది.

ఫెస్టివల్ ముఖ్య ఆకర్షణలు

మూడు రోజుల పాటు సృజనాత్మకత, జ్ఞానం, వ్యాపారాభివృద్ధికి అంకితమైన కార్యక్రమాలు నిర్వహించబడతాయి.

సెమినార్లు & మాస్టర్ క్లాసులు:

ప్రముఖ వెడ్డింగ్ ఫోటోగ్రాఫర్లు, పరిశ్రమ నిపుణులచే క్రియేటివిటీ, స్టోరీటెల్లింగ్, బ్రాండింగ్, ప్రైసింగ్, క్లయింట్ మేనేజ్‌మెంట్, బిజినెస్ స్కేలింగ్ పై లోతైన సెషన్లు.

ప్యానల్ డిస్కషన్స్:

కొత్త ట్రెండ్స్, ఫోటోగ్రఫీలో AI వినియోగం, టెక్నాలజీ మార్పులు, భవిష్యత్ అవకాశాలపై చర్చలు.

వెడ్డింగ్ ఎక్సలెన్స్ అవార్డ్స్:

భారతీయ వెడ్డింగ్ ఫోటోగ్రఫీలో ప్రతిభ, వినూత్నత, విశిష్టతను గుర్తించే ప్రతిష్టాత్మక అవార్డులు.

జాతీయ స్థాయి వెడ్డింగ్ ఫోటోగ్రఫీ పోటీ:

ఫోటోగ్రాఫర్లు తమ ఉత్తమ కృతులను ప్రదర్శించి జాతీయ గుర్తింపు పొందేందుకు అవకాశం.

ఫోటోఫినా ట్రేడ్ ఎక్స్‌పో:

కెమెరాలు, లెన్సులు, లైటింగ్, ఆల్బమ్‌లు, సాఫ్ట్‌వేర్, డ్రోన్లు, పోస్ట్ ప్రొడక్షన్ టూల్స్ వంటి ఆధునిక ఉత్పత్తులతో దేశంలోని ప్రముఖ బ్రాండ్ల ప్రదర్శన.

 భారతీయ ఫోటోగ్రఫీ రంగంలో చారిత్రాత్మక ఘట్టం

భారతీయ వెడ్డింగ్ ఫోటోగ్రఫీకి పూర్తిగా అంకితమైన మొట్టమొదటి జాతీయ స్థాయి వేదికగా ఇండియన్ వెడ్డింగ్ ఫోటోగ్రఫీ ఫెస్టివల్ & ఫోటోఫినా ఎక్స్‌పో 2026 నిలవనుంది. దేశం నలుమూలల నుంచి వేలాది మంది ఫోటోగ్రాఫర్లు, క్రియేటివ్ ప్రొఫెషనల్స్, ఎగ్జిబిటర్లు హాజరుకానున్నారు.హైదరాబాద్‌ను ఈ కార్యక్రమానికి ఆతిథ్య నగరంగా ఎంపిక చేయడం వెనుక నగరంలోని బలమైన సృజనాత్మక వాతావరణం, సెంట్రల్ యాక్సెస్, జాతీయ–అంతర్జాతీయ ఈవెంట్లకు అనుకూలత కారణాలుగా నిర్వాహకులు తెలిపారు.