వర్జినిటీపై నేనలాంటి వ్యాఖ్యలు చేయలేదు.. ప్రియాంక చోప్రా

తను చేయని వ్యాఖ్యలను సోషల్​ మీడియా (Social Media) లో వైరల్​ చేశారని, ఆ వ్యాఖ్యలతో తనకు ఎలాంటి సంబంధం లేదంటూ ప్రముఖ సినీతార (Hollywood Actress) ప్రియాంక చోప్రా (Priyanka Chopra)తాజాగా స్పష్టతనిచ్చారు. అభ్యంతరకర వ్యాఖ్యలను తాను చేసినట్లు ప్రచారం చేయడంలో ఎవరికి ఎంత లాభమో తనకు తెలియదని, కానీ.. ఆ అపవాదు మోసేవారికి బాధ తెలుస్తుందని ఆవేదన వ్యక్తం చేశారు.

ఇంతకీ ఆమె పేరుపై వైరల్​ (Virual Fake News)అయిన వ్యాఖ్యలు ఏంటంటే ‘వర్జినిటీ కోల్పోని అమ్మాయిని కాదు.. మంచి సుగుణాలున్న అమ్మాయిని పెళ్లి చేసుకోండి. ఎందుకంటే, వర్జినిటీ ఒక్క రాత్రితో పోతుంది. కానీ, సభ్యత, సంస్కారం జీవితాంతం మనతో ఉంటాయి’ అని. ఆ వ్యాఖ్యలను ప్రియాంక చోప్రా కొట్టిపారేశారు. అవి సోషల్‌మీడియా సృష్టి మాత్రమేన్నారు. తన పేరు వాడుకుంటే ఆ వార్తలు అవుతాయనే.. అలాంటి అసత్య వార్తలు ప్రచారం చేశారన్నారు.

‘అలాంటివి నమ్మే ముందు దయచేసి ఒకసారి క్రాస్ చెక్ చేసుకోండి. ఆన్‌లైన్‌లో వచ్చే వార్తలన్నీ నమ్మొద్దు’ అని విజ్ఞప్తి చేశారు. ఇండియన్​ సినిమాల్లోనే కాకుండా ప్రస్తుతం ఆమె హాలీవుడ్​లోనూ రాణిస్తున్నారు. ప్రస్తుతం ఆమె దర్శక దిగ్గజం రాజమౌళి దర్శకత్వంలో మహేశ్​బాబు కథనాయకుడిగా వస్తున్న చిత్రంలో నటిస్తున్నారు.