Chiranjeevi: తెలుగు సినీ చరిత్రలో యాక్షన్ సినిమాలకు కొత్త దిశ చూపిన చిత్రం ‘ఖైదీ’(Khaidi movie) మెగాస్టార్ చిరంజీవి నటించిన ఈ కల్ట్ క్లాసిక్ 1983 అక్టోబర్ 28న విడుదలై, నేటితో 42 ఏళ్లు పూర్తి చేసుకుంది. ఈ సందర్భంగా చిరంజీవి టీమ్(Chiranjeevi Team) విడుదల చేసిన ప్రత్యేక వీడియో(Special video) ప్రస్తుతం సోషల్ మీడియాలో వైరల్‌గా మారింది. “తెలుగు సినిమా చరిత్రలో మార్పు తెచ్చిన పేరు ఖైదీ” అనే ట్యాగ్‌లైన్‌తో ప్రారంభమైన ఆ వీడియో అభిమానులను 1980ల నాటి జ్ఞాపకాల్లోకి తీసుకెళ్తోంది. ‘ఖైదీ’ కేవలం ఓ బ్లాక్‌బస్టర్ మాత్రమే కాదు, టాలీవుడ్‌లో యాక్షన్ సినిమాల రూపురేఖలను మార్చిన గేమ్‌ఛేంజర్‌గా నిలిచింది. ఈ చిత్రంతో చిరంజీవి స్టార్‌డమ్ ఊహించని రీతిలో పెరిగి, ఆయనను మాస్ ఆడియెన్స్‌కు మరింత చేరువ చేసింది. ఈ సినిమా విజయానంతరం చిరంజీవి కెరీర్ పూర్తిగా మారిపోయింది. సినీ విశ్లేషకులు “ఖైదీ చిరంజీవిని మెగాస్టార్‌గా మలిచిన చిత్రం” అని చెబుతుంటారు.
ఇంతటి సంచలనం సృష్టించిన ఈ సినిమాకి వెనుక ఆసక్తికరమైన కథ ఉంది. మొదట ఈ కథను రచయితలు సూపర్‌స్టార్ కృష్ణ కోసం సిద్ధం చేశారు. అయితే కొన్ని కారణాల వల్ల ఆయన ఈ ప్రాజెక్ట్ చేయలేకపోయారు. ఆ అవకాశమంతా చిరంజీవికి దక్కింది. తొలుత కె. రాఘవేంద్రరావు దర్శకత్వం వహిస్తారని భావించినప్పటికీ, చివరికి ఈ బాధ్యతలను ఎ. కోదండరామిరెడ్డి స్వీకరించారు. హాలీవుడ్ చిత్రం ‘ఫస్ట్ బ్లడ్’ (రాంబో) స్ఫూర్తితో పరుచూరి బ్రదర్స్ రాసిన కథ, సంభాషణలు చిరంజీవి బాడీ లాంగ్వేజ్‌కి అద్భుతంగా సరిపోయాయి. ఆసక్తికరంగా, షూటింగ్ ప్రారంభమైన తర్వాతే చిరంజీవి పూర్తి కథ విన్నారని చెబుతారు. కానీ రచయితలపై ఉన్న నమ్మకంతో ఆయన ముందుకు సాగారు.
సుమారు రూ. 25 లక్షల తక్కువ బడ్జెట్‌తో నిర్మించిన ఈ సినిమా విడుదలకు ముందే రూ. 70 లక్షల బిజినెస్ సాధించింది. విడుదల అనంతరం అయితే అంచనాలను మించి బాక్సాఫీస్ వద్ద దుమ్ము రేపింది. సుమారు రూ. 4 కోట్లు వసూలు చేసి ఆ కాలంలో ఆల్ టైమ్ ఇండస్ట్రీ హిట్గా రికార్డు సృష్టించింది. చిరంజీవి పారితోషికంగా రూ. 1.75 లక్షలు, దర్శకుడు కోదండరామిరెడ్డి రూ. 40 వేలు మాత్రమే తీసుకున్నారని సమాచారం. ‘ఖైదీ’ 20 కేంద్రాల్లో 100 రోజులు, 5 కేంద్రాల్లో 200 రోజులు, 2 కేంద్రాల్లో 365 రోజులపాటు ప్రదర్శించబడింది. 100 రోజుల వేడుకకు సూపర్‌స్టార్ కృష్ణ స్వయంగా ముఖ్య అతిథిగా హాజరుకావడం విశేషం. ఈ విజయంతో చిరంజీవి కెరీర్‌లో కొత్త దశ ప్రారంభమైంది. తెలుగులోనే కాదు, ఈ చిత్రం హిందీలో కూడా జితేంద్ర ప్రధాన పాత్రలో రీమేక్ చేయబడింది. అక్కడ కూడా మంచి వాణిజ్య విజయాన్ని సాధించింది. ఇలా ‘ఖైదీ’ తెలుగు సినిమా చరిత్రలో చిరస్థాయిగా నిలిచిన మైలురాయిగా నిలిచింది. చిరంజీవి సినీ ప్రస్థానాన్ని కొత్త ఎత్తుకు చేర్చిన గౌరవ చిహ్నంగా ఇప్పటికీ గుర్తించబడుతోంది.
తెలుగు సినిమా చరిత్రలో మార్పు తీసుకువచ్చిన పేరు “ఖైదీ” ❤️#Khaidi – The film that redefined Telugu cinema and changed everything!
The rise of a phenomenon…
The birth of the MEGASTAR @KChiruTweets 🔥A revolution began in 1983, and the rest is history💥 #42YearsForKhaidi… pic.twitter.com/MOetNNQgTQ
— Team Megastar (@MegaStaroffl) October 28, 2025