BC reservations: తెలంగాణ రాష్ట్రంలో స్థానిక సంస్థల ఎన్నికల(Local body elections) నేపథ్యంలో మళ్లీ రిజర్వేషన్ల వివాదం తెరపైకి వచ్చింది. ఇటీవల రాష్ట్ర ప్రభుత్వం జారీ చేసిన జీవో నంబర్ 9(Geo number 9) ద్వారా బీసీ వర్గాలకు 42 శాతం రిజర్వేషన్ కల్పిస్తూ ప్రకటించింది. అయితే, దీనిపై కొన్ని పిటిషన్లు హైకోర్టులో దాఖలయ్యాయి. వాటిపై విచారణ జరిపిన తెలంగాణ హైకోర్టు(Telangana High Court), జీవో అమలును నిలిపివేస్తూ స్టే ఇచ్చింది. అంతేగాక, ఇప్పటికే ప్రారంభమైన ఎన్నికల ప్రక్రియ, నామినేషన్ల స్వీకరణపై కూడా అంతరిమ ఉత్తర్వులు జారీ చేసింది. ఈ నేపథ్యంలో, రాష్ట్ర ప్రభుత్వం హైకోర్టు ఉత్తర్వులపై అసంతృప్తి వ్యక్తం చేస్తూ, తక్షణమే సుప్రీంకోర్టు(Supreme Court)ను ఆశ్రయించాలని నిర్ణయించినట్లు సమాచారం. దీనికి సంబంధించి రాష్ట్ర ప్రభుత్వ ఉన్నతాధికారులు సన్నాహాలు ప్రారంభించారు. సుప్రీంకోర్టులో స్పెషల్ లీవ్ పిటిషన్ (SLP) దాఖలు చేసి, హైకోర్టు స్టేను ఎత్తివేయాలని కోరనుంది.
రాష్ట్ర ప్రభుత్వం వాదన ప్రకారం, ఇన్నాళ్లుగా అన్యాయానికి గురైన బీసీ వర్గాలకు సరైన ప్రాతినిధ్యం కల్పించడమే తమ ఉద్దేశం. బీసీలకు 42 శాతం రిజర్వేషన్ అనేది న్యాయపరమైన, రాజ్యాంగపరమైన పరిరక్షణకు సంబంధించిన అంశం అని రాష్ట్ర ప్రభుత్వ అభిప్రాయం. ఇప్పటికే ఎన్నికల ప్రక్రియ ప్రారంభమై, నామినేషన్ల స్వీకరణ జరుగుతున్న సమయంలో హైకోర్టు జోక్యం చేయడం సరైనది కాదని కూడా ప్రభుత్వం సుప్రీంకోర్టు ముందు వాదించనుంది. ఈ అంశంపై ఆంధ్రప్రదేశ్ కాంగ్రెస్ నేతలు కూడా చురుకుగా చర్చలు జరుపుతున్నారు. ఇటీవల జూమ్ ద్వారా జరిగిన సమావేశంలో, సీనియర్ న్యాయవాది అభిషేక్ మను సింఘ్వీతో నేతలు మాట్లాడారు. రాష్ట్ర ప్రభుత్వం సుప్రీంకోర్టుకు వెళ్లే నిర్ణయం తీసుకోవడంపై వారి స్పందన కూడా కీలకంగా మారనుంది.
ఇదిలా ఉండగా, జీవో 9 అమలులోకి వస్తే రాష్ట్రవ్యాప్తంగా బీసీలకు మెరుగైన ప్రతినిధ్య అవకాశాలు లభించనున్నాయి. కొన్ని రాజకీయ పార్టీలు మాత్రం ఈ జీవోపై విమర్శలు చేస్తూ, అది మిగతా వర్గాలకు అన్యాయం చేస్తున్నదని ఆరోపిస్తున్నాయి. మొత్తానికి, స్థానిక సంస్థల ఎన్నికల వేళ బీసీ రిజర్వేషన్ల అంశం మళ్లీ రాజకీయంగా, న్యాయపరంగా పెద్ద దుమారానికి దారి తీసేలా కనిపిస్తోంది. ఈ వ్యవహారం ఇప్పుడు సుప్రీంకోర్టు తీర్పుపైనే ఆధారపడి ఉంది. త్వరలోనే దీనిపై స్పష్టత రావొచ్చని న్యాయవర్గాలు భావిస్తున్నాయి.
