ఈఈ శ్రీధర్ అక్రమ డబ్బు ఇంకెంతో?
ఆదాయానికి మించిన ఆస్తుల కేసు (Un accountable Properties)లో చొప్పదండి ఎగ్జిక్యూటివ్ ఇంజినీర్ (Choppadandi EE Nunes Sridhar) నూనె శ్రీధర్ని ఏసీబీ (Anti correption Bureau) అదుపులోకి తీసుకున్న సంగతి తెలిసిందే. ఆయన గతంలో కాళేశ్వరం 6, 7, 8 ప్యాకేజీ (Kaleswaram Project Packages)ల పర్యవేక్షణ విధుల నిర్వహించిన సమయంలో ఆయన వందలాది కోట్ల ఆస్తులు కూడబెట్టారనే ఆరోపణలు ఉన్నాయి.
ఇటీవల ఏసీబీ 13 చోట్ల ఏకకాలంలో చేసిన దాడుల్లో ఏకంగా రూ.150 కోట్ల విలువైన స్థిర, చరాస్తులను గుర్తించింది. ఈ క్రమంలోనే తాజాగా సోమవారం ఆయన బ్యాంకర్ లాకర్లో లక్ష కాదు.. రెండు లక్షలు కాదు.. ఏకంగా రూ.5 కోట్ల నగదు గుర్తించి సీజ్ చేసింది. ఏసీబీ అధికారులు మరోవైపు శ్రీధర్ను తమ కస్టడీలోకి తీసుకుని విచారిస్తున్నారు. కాళేశ్వరం ప్రాజెక్టు నుంచి బదిలీ అయిన తర్వాత కూడా,
ఆయన ఆ ప్యాకేజీలను పర్యవేక్షించినట్లు దర్యాప్తులో గుర్తించారు. బదిలీ ఆదేశాలు ఉన్నప్పటికీ కాళేశ్వరం పరిధిలోనే ఎందుకున్నారు? అనే కోణంలో విచారిస్తున్నారు.