Gold prices : మన దేశంలో బంగారానికి ఉన్న ప్రాధాన్యం చెప్పాల్సిన అవసరమే లేదు. ఏ చిన్న శుభకార్యం జరిగినా, ఆ సందర్భాన్ని మరింత స్మరణీయంగా మార్చుకునేందుకు ప్రజలు బంగారం కొనుగోలు చేయడం ఆనవాయితీగా మారింది. ముఖ్యంగా దక్షిణాది రాష్ట్రాల్లో, ముఖ్యంగా ఆంధ్రప్రదేశ్‌, తెలంగాణ (Andhra Pradesh, Telangana)రాష్ట్రాల్లో పసిడి అంటే ప్రత్యేకమైన అభిమానం ఉంటుంది. పండుగలు, పెళ్లిళ్లు, గృహప్రవేశాలు, లేదా కొత్త ఆరంభాలు ఏ సందర్భమైనా బంగారం కొనే పరంపర కొనసాగుతూనే ఉంది. అయితే గత కొన్ని వారాలుగా బంగారం ధరల్లో గణనీయమైన హెచ్చుతగ్గులు నమోదవుతున్నాయి. ఒక రోజు రేట్లు తగ్గి కొనుగోలుదారులకు కొంత ఊరటనిస్తే, మరుసటి రోజే తిరిగి పెరిగిపోతున్నాయి. ఈ మార్పులతో పసిడి అభిమానులు అయోమయానికి గురవుతున్నారు. గత వారం వరకూ నిరంతరంగా పెరుగుతూ వచ్చిన బంగారం ధరలు, గత రెండు రోజులుగా కొంతమేర తగ్గుముఖం పట్టాయి.
కానీ, ఈ రోజు మళ్లీ పెరుగుతున్న సూచనలు కనిపిస్తున్నాయి. తాజా సమాచారం ప్రకారం, రెండు తెలుగు రాష్ట్రాల ప్రధాన నగరాలైన హైదరాబాద్, విజయవాడల్లో బంగారం ధరల్లో స్వల్ప మార్పులు చోటు చేసుకున్నాయి. నిన్న 24 క్యారెట్ల బంగారం ధర రూ.1,22,400 ఉండగా, నేడు రూ.1,910 తగ్గి రూ.1,20,490కు చేరింది. అదే విధంగా, 22 క్యారెట్ల బంగారం ధర నిన్న రూ.1,12,200 ఉండగా, నేడు రూ.1,750 తగ్గి రూ.1,10,450గా ఉంది. అంటే, గత కొన్ని రోజులుగా పెరుగుతున్న ధోరణి నుంచి బంగారం కొంతవరకు వెనక్కి తగ్గిందని చెప్పొచ్చు. అటు వెండి ధరల్లో కూడా స్వల్ప తగ్గుదల కనిపిస్తోంది. నిన్నటి కిలో వెండి ధర రూ.1,66,000గా ఉండగా, నేడు రూ.1,000 తగ్గి రూ.1,65,000కు చేరింది. ఈ తగ్గుదలతో వెండి కొనుగోలుదారులు కూడా కొంత ఊరట పొందుతున్నారు.
ప్రస్తుతం హైదరాబాద్ మరియు విజయవాడలో బంగారం ధరలు సమానంగా ఉన్నాయి.
హైదరాబాద్‌లో నేటి బంగారం ధరలు:
22 క్యారెట్ల బంగారం ధర – రూ.1,10,450
24 క్యారెట్ల బంగారం ధర – రూ.1,20,490
విజయవాడలో నేటి బంగారం ధరలు:
22 క్యారెట్ల బంగారం ధర – రూ.1,10,450
24 క్యారెట్ల బంగారం ధర – రూ.1,20,490
మొత్తం మీద, బంగారం ధరల్లో ఈ మధ్యకాలంలో కనిపిస్తున్న హెచ్చుతగ్గులు మార్కెట్‌ పరిస్థితులు, అంతర్జాతీయ బంగారం ధరల మార్పులు, డాలర్ విలువ తదితర అంశాలపై ఆధారపడి ఉన్నాయి. ఈ పరిస్థితుల్లో పసిడి కొనుగోలుదారులు రాబోయే రోజుల్లో ధరలు మరింత తగ్గుతాయేమోనని ఆసక్తిగా గమనిస్తున్నారు.